اضحك مع المساطيل

مسطول قالوا ليهو البنقو يؤدي للموت البطئ قال انا ذاتي ما مستعجل !!...

مسطول سأل بتاع صيدلية : عندك شريط بندول ؟ رد : نعم ، قاليهو المسطول : كدي شغلو نسمعو ...

مرة واحد مسطول قاعد جنب موية المطرة ومبسوط جداً من منظر الموية الكتيرة , قام جاء واحد راكب عربية عاوز يعدي في الموية وخايف وسأل المسطول هل
ممكن أعدي ؟ ورد عليه المسطول طبعاً مافي مشكلة . ولما مشى شويه العربية غرقت وطلع منها السواق زعلان من المسطول وقال ليهو ماقلت مافي مشكلة , رد
عليه المسطول والله حسي دي جات بطة مشت عديل

واحد مسطول ساق جدو المستشفي الدكتور سالو عمرو كم قال ليهو والله ما عارف لكن من زمان معانا

اثنين مساطيل واحد سأل الثاني قال ليهو: تفتكر يوم الجمعة بوافق أول شهر؟ رد عليهو قال ليهو: والله لو ضغطنا عليهو يمكن يوافق
مصطول زهجان من مرتو بغني في اغيه هاشم ميرغني : انتي وانا من حقنا نفرح نطير بين السحاب تلقانا صاقعه تخمنا لاانت يلقوك لا انا

استاذ سال تلميذ مسطول ما معنى كلمة سبيل؟ رد التلميذ: طريق..
المعلم :
وسلسبيل؟ قال ليهو ... طر.. طريق

واحد مسطول مشي للدكتور بشتكي من ضرسو، الدكتور قاليهو: احشي ليك؟
قاليهو لا.. لا.. اديني في صحن!!

مسطول سأل بتاعة الاتصالات: عندكم مفتاح امريكا
قالت ليهو ايوه في
قال ليها: اعملوا لي منو نسخة

مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : وكمان بتفوررري؟

مسطول اشتري عربية شبح جديدة لنج
وهو سايقها فتح الراديو سمع هنا لندن، قال انعل ابو السرعة ذاتو

واحد مسطول مثقفاتى سالوهو ما فائدة (ملاح الويكه؟)
قال: يساعد علي انزلاق اللقمه

مسطول سايق تاكسى واحد وقفو قال ليهو: نادى الأسرة من فضلك
رد قاليهو ناديهم براك

مسطول ضرب تلفون غلط قال: دا منزل مصعب
؟ قالو ليه لا
قال ليهم : طيب رافعين السماعة ليه

مدرس بيدرس في طلبة مساطيل قال ليهم: يعيش السمك في الماء! قالو ليهو: يعيش... يعيش..يعيش

شيخ نقلو ليهو دم رقاصه طلع يخطب في الناس قال : احلي تحيه لاحلي مصلين وآذن ياجدع

ناس الازاعة عاملين استطلاع فى نهار رمضان سالو مسطول فى الشارع قالو لية امنتك شنو قال ليهم ياريت مقطع من اذان المغرب

تلاته مساطيل راكبين في طيارة هلوكوبتر بسطلوا
والطيارة في الجو
قاموا قالوا لي واحد منهم يمشي يجيب ليهم سجارة حمرا من الدكان
زولنا قام وعلي حسب السطلة الفيه مرق بي واحد من بيبان الطيارة
لحسن حظو لاقتو ليك مروحة الطيارة وخمشتو من لياقة القميص
صاحبنا بقى معلق والمروحة لافه
الجماعة بي جوة انتبهو للموقف وزولنا لافي مع المروحة
وهم برضو علي حسب سطلتهم شبكو ليك
آآآآآآي أقعد لف لينا كدة لمن تلقى الدكاكين قفلت

واحد مسطول اتقدم لخطوبة واحدة سمينة جداً
والد العروس : موافقين بس عايزين مهر 10 مليون دينار
المسطول : ليه !!! ضربت الكيلو في كم ؟؟؟

مرة اثنين مساطيل في حديقة الحيوانات .الاول:ليش رقبة الزرافة طويلة.....الثاني:يا اهبل علشان راسها بعيد

وتاني دى واحده مسطولودوه يقره في الخلوه
اخراليوم سألوه ادوكم شنو
قال ليهم الفكى زاتو مامتأكد مره يقول القارعه ومره يقول ما القارعه

واحد مشى الحج , و بعدين لقوه بتاعين الشرطة في حمامات الحريم ، قاموا نهزروه و نهروه :
أنت ما بتعرف تقرأ و لا بتشوف الحريم ديل ؟
قال ليهم: بعرف أقراءو شايف الحريم
طيب الدخلك حمامات النسوان شنو؟
قال ليهم : أصلو أنا حاجي للوالدة

مسطول راكب في الحافلة جاتو بنت بالشباك وقالت ليو : وين ؟ قال ليها : قاعدين في البلد دي لكن والله إنتي ما ظاهره

و احد متعود يسطل في البيت ،،
و شوية شوية زوجته بقت تسطل كمان ، لكن أخونا كان راسو خفيف شوية بسطل بسرعة ، لكن الحرمة أصلو ما تنسطل بالساهل ،،، الحكاية دي حرقتو شديد ،
كيف يا كيف أنا علمتها السيجارة و أنا اتسطل وهي لا ، المهم الراجل أصر لازم يسطلها مهما كلف الأمر و بقى يزيد الكمية في السيجارة و يشفط و يديها تشفط و
هو ينسطل و يبقى قرد و بعدين يسألها
اها السيجارة دي شديدة ؟
هي تقول ليهو لا .. ما شديدة
و بعدين يغير النوع و يتسطل و يسألها تاني
شديدة ؟
تقول ليهو .. لا والله ماشديدة
يكبر السيجارة خالص
أها شديدة ؟؟
هي تقول لا ما شديدة
المهم الراجل لمن زهج قام عمل سيجارة كلها حشيش صافي و أداها ليها
و سألها : شديدة ؟؟؟؟
قالت ليهو .....
|
|
|
|
|
|
الله يسلمك

جون قرنق في سكرات الموت شاف حاجة جاياهو وفقام قال : منو قلت لي إنت
سلفا كيييييييييير ولا منو
جاهو الرد : سلفا كير بتاع حنانك قلت ليييييييييييك نكيييييييييييييييييييييير

مسطول مشي يخطب واحده من أبوها
الأبو قال ليو : معليش والله بنتنا لسع ما خلصت المدرسة
المسطول قال ليو : خلاص عمنا حنجيكم بالليل إنشاءالله

محشش يقول لمحشش : انا بردان من المكيف .. رد المحشش الاني قال ليه
: انا خالد من ام درمان!

رباطابي داير يطلع جنسية سألو ضابط الجوازات الاخ سوداني قال ليهو : لا اريبا!!!!!!!!!!!

قرية كلها مساطيل عملو إجتماع من أجل الحفرة الموجوده في الشارع والتي يتضرر منها أهل القرية يوميا
وبدأت الإقتراحات من أهل القرية المساطيل ، المسطول الأول قال : أنا بقترح إنو نعمل مكتب بالقرب من الحفرة ويكون مخصص لناس عربات الإسعاف !! فلما
يحصل ضرر طوالي العربات تكون موجوده !!! الجماعة قالو : يا خي دي شنو الفكرة الغبية دي . التاني قال : أنا بقترح إنو أنحنا نبني مستشفى حوالى تلاتة متر
من الحفرة ولا عربات ولا يحزنون !! كلهم قالو : تكلفة كتيرة وفكرة بليده وشكلنا كده ما حيكون عندنا حل للمعضله دي !!!! زعيم القرية والمسطول الأكبر قال :
الحل عندي ! نحن ببساطة نمشي وندفن الحفرة وأول ما نخلص نجي ونحفر لينا حفرة جنب المستشفى الموجوده أصلا والتكلفة بسيطة وفكرة جهنمية ولا شنو
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كلهم قالو : تفتييييييييييييييييييييييييييي يييييييييييييييييييييييييييييي يييييييييحة يا زعيم !!!!!

مسطول قال لصحبو يا خي فلان ده أنا عايز منو خمسين ألف جنيه ! وما عايز يرجعا أعمل ليو شنو ؟؟
صحبو قال ليو : أيوووووووه الزول ده حسع بيجي وأول ما يفتح ليو موضوع بتاع القروش أو حاجة قريبة من القروش طوالي ذكروا بالديون بتاعتو !!!
فلان بعد شوية جه داخل وطوالي قال ليهم : شفتو البشير عمل شنو ؟ يا شباب البشير رفض وبكل قوة القوات باعت الأمم المتحده إنوتدخل دارفور ...!!!
المسطول طوالي قال ليو : الله ! بالمناسبة الكلمة بتاعت قوات الأمم المتحده دي ذكرتني بالخمسين ألف جنيه العايزها منك !!! وينا عليك الله !! ما تديها لينا يا
فرده

واحد مسطول و خطيبتو مشوا سهرانين في النادي و اخر ونسة و جكيس ، بعدين الكهربا قطعت
خطبتو قالت ليهو يللا انتهز الفرصة الكهرباء قطعت
قام الراجل جرى عشان ما يدفع الحساب(القرد قالها )

مسطول دخل مطعم .. قال للجرسون:" عايز واحد
".. فول .. بس يكون من غير سلطة
الجرسون قال ليه:" أصلاً السلطة الخضراء
.. العندنا شطبت
"..ما عندنا غير سلطة طحينة
المسطول قال ليه:"ما فى مشكلة .. طيب أعمله من غير
".. سلطة طحينة

مسطول خش لي بتاع بقالة وقال ليو : يا عمنا عندك بالله ببسي حار ؟ بتاع البقالة قال ليو : أيوه يا إبني .
المسطول قال ليو : طيب يا خي ما تختوا في التلاجة .............................. ...!!!!

مسطول دقنه كبيييييييييييييييييير
دخل الجامع لي اول مره في حياته
لقاه واحد ساله : لو سمحت يا شيخنا انا فاتتني ركعتين اعمل شنو ؟
قال ليه : في زول شافك ؟
قال ليه : لا
قال : اعمل نايم.

مدرس إنجليزي قال لفلاتي
ضع Has في جملة
قال: Has بي الله ونعم الوكيل!!

مسطول سأل مسطول: أمك حية ؟ قاله : لأ عقرب .. قا له لأ قصدي عايشة !؟ قاله لأ فاطمة

في واحد مسطول قطع راس صاحبه وهو نايم قال حيموت من الضحك اذا صحا ولقى راسه مافي

مسطول سألوه في لقاء تلفزيوني عن سبب سخانه الجو اليومين ديل؟؟
رد قال : ده كلو من مشجعين الكوره .. شغالين يقولو فوق فوق سودانا فوق لمن تكلونا مع الشمس..

واحد مسطول طلبوا منوا يصلي بيهم صلاة استسقى .. عشان المطرة تنزل .. قا ليهم دايرنها شكشاكة و لا سيول عارمة

واحد مسطول جاي معا جماعة عشان يحجو .. قال ليهم .. يا جماعة لو شديتو حيلكم شوية ..ممكن نرجع قبل العيد ..

مسطول دخل يصلي صلاة العشاء على اقامة الصلاه وطبعا كالعاده يلتفت
الامام قبل الصلاه يمين ويسار ويقول استقيمو اعتدلو تراصو قام التفت شاف المسطول متقدم من الصف
الأمامي شوي قام الامام أشر له بيده أنه يتأخر شوي مع مساواة الصف تأخر صاحبنا شوي, التفت ليه
الامام مره تانيه وأشر له بيده أنه يتقدم شوي وعينك ماتشوف الا النور بعدها عصب صاحبنا
وقال للأمام" ياأخي أنت داير تصلي فينا والا داير تشووت فاول "
طبعا الصلاة تأخرت 5 دقايق لأن المصلين كلهم وقعو في الوطه من الضحك
Very Happy

body123

hhhhhhhhhhhhhhhh u kill me man
thank u m$koooooooooooor

هههههههههههههههه حلوة والله واكتر واحدة بتاعت مدرس إنجليزي قال لفلاتي
ضع Has في جملة
قال: Has بي الله ونعم الوكيل!!
هههههههههههه
تسلم يا باشا علي النكات الجميلة وما تحرمنا من مشاركاتك ^_^